Систем во чип (TEMPUS) (4+1)

1. Општи информации

Вградливите системи претставуваат комбинација на хардвер и софтвер чија цел е да се контролира уред, процес или поголем систем. Спецични примери на вакви системи се: контрола на ABS системите во автомобилите или контрола на работењето на автомобилските мотори, автоматски пилот во авионите, чипсет кај дигитален телевизор, чипови кај телекомуникациските уреди, амбиентните уреди и контролни системи кај нуклеарните реактори. Значењето на овие системи расте континуирано. На пример: во 2003 година постоеле околу 8 милијарди вакви уреди во целиот свет, а конзервативните предвидувања прогнозираат дека бројот на овие уреди се очекува да се зголеми двојно до 2010 година. Со други зборови, за секој жител на планетава б и постоеле по 3 вакви уреди. Во автомобилската индустрија, процентот на учество на електрониката во вкупната вредност на автомобилот се очекува да порасне од 22% во 1997 до 30-40% во 2010. Овие предизвици можат успешно да се следат и применуваат само со продуцирање нови генерации студенти, образувани во полето на Вградливи системи.