Родена е 1968 година во Скопје. Основно и средно образование оформила во Скопје, со континуиран одличен успех. Во текот на школувањето учествувала на републички и на државни натпревари по математика, руски јазик и книжевност, и притоа освоила повеќе високи места.. Студии по математика-информатика завршила во 1996 година со среден успех 9.45 и стекнала звање дипломиран инженер по математика-информатика. По дипломирањето била избрана за стручен соработник на ИИ при ПМФ, а подоцна за помлад асистент. Изведува/ла аудиториумски/лабораториски вежби по предметите: калкулус 1, калкулус 2, калкулус 3, основи на програмирање, бази податоци, основи на оперативни системи, аналитичка геометрија, нумеричко сметање, вектори и матрици, нумерички методи, диференцијално сметање, вовед во информатиката 1, функции од повеќе променливи, потоа информатика за студентите по биологија наставна насока и биологија-екологија, математичка анализа, теорија на информациите, програмирање на сметачки машини за студентите по математика, информатика за студентите по физика, информатика и математика на Факултетот за земјоделски науки и храна; и програмирање за студентите на Машинскиот факултет. За студентите подготвила две интерни скрипти. Области на нејзин научен интерес се: нумеричка анализа, рамномерност на распределбата на бројни низи. Има објавено четири труда во научни списанија. Имала излагања или презентации на неколку научни манифестации или стручни собири. Учествувала во реализацијата на неколку научноистражувачки проекти и проекти за унапредување на образованието. Кратки престои за научно и за стручно усовршување имала на универзитетите во Атина, Солун, Благоевград и во БАН, Софија. Член е на ЗИМ и на комисии за организација и спроведување на натпревари по информатика. Била уредник и секретар на списанието Бит+. Работи на докторската теза "Квантитативни мерки за распределба на конечни и бесконечни низи, и нивни примени".

Наскоро...