Роден е 1985 година во Гевгелија. Дипломирал на Факултетот за електротехника и информациски технологии во Скопје во 2008. Магистрирал на истиот факултет во 2010. Магистерскиот труд му е од областа на софтверско инженерство. Во текот на факултетското образование бил постојано наградуван за постигнатиот успех во студирањето. Своето прво работно искуство го стекнал во Друштвото за компјутерски услуги “CreationPal” како софтверски инженер. На Институтот за компјутерска техника и информатика при Факултетот за електротехника и информациски технологии во Скопје почнал да работи во 2009 година како демонстратор. Неговите обврски околу наставата опфаќаат изведување аудиториски и лабораториски вежби по предмети од областа на структурирано програмирање, објектно-ориентирано програмирање, вовед во интернет и програмски методологии. Области на неговиот научно-истражувачки интерес се напредно софтверско инженерство, алгоритми и структури на податоци, мобилно процесирање и веб сервиси, машинско учење, скалабилни софтверски архитектури, напредни веб технологии.