Христина Михајлоска e родена 1985 година во Охрид, Македонија. Дипломирала на Природно-математички Факултет, Институт за Информатика во Скопје, во 2008 година. Во 2011 година се здобила со титулата магистер по информатички науки при Факултетот за Информатички науки и компјутерско инженерство (ФИНКИ) во Скопје на насоката ТЕМПУС - Софтверско инженерство. Нејзината магистерска тема е од областа на симетричната криптографија и е со наслов “Анализа и конструкција на оптимални субституциони табели кај блок шифрувачи со помош на квазигрупи” под менторство на Данило Глигороски, редовен професор на Норвепкиот универзитет за наука и технологии (NTNU) во Трондхеим, Норвешка. Од февруари 2012 година, таа е студент-докторант на Факултетот за Информатички науки и компјутерско инженерство (ФИНКИ) во Скопје, под менторство на проф. Глигороски. Во текот на своите додипломски студии, континуирано е наградувана за постигнатиот успех.

По дипломирањето е вработена како помлад асистент на Природно-математички Факултет, Институт за Информатика во Скопје. Од 2011 година, работи како асистент на Факултетот за Информатички науки и компјутерско инженерство (ФИНКИ) во Скопје. Нејзината работа како асистент вклучува подготовка и изведување на аудиториски и лабораториски вежби по предмети како сто се: програмирање, алгоритми и податочни структури, оперативни системи, квалитет на софтвер и безбедност на компјутерски системи.

Учествува/ла во повеќе меѓународни и домашни научно-истражувачки проекти. Во рамките на нејзината научно-истражувачка работа има учествувано на голем број конференции, работилници и летни школи. Автор и коавтор е на бројни научно-истражувачки трудови. Мементално нејзиното внимание е насочено кон автентикациската енкрипција, дизајн на лесни шифрувачи, докажливата сигурност како дел од полето на симетричната криптографија.